Մարտի 12-ը «Երիկամի համաշխարհային օր»-ն է: Օրվա շրջանակում Ձեզ ենք ներկայացնում «Ուիգմոր կանանց և երեխաների հիվանդանոց»-ի նեֆրոլոգիայի ծառայությունը և թիմը: Ծառայությունը զբաղվում է երիկամների և միզային համակարգի առողջության գնահատման, հիվանդությունների ախտորոշման, բուժման և երկարաժամկետ հսկման վրա՝ երեխաների և դեռահասների համար: Կատարվում է նաև հղիության ընթացքում պտղի մոտ հայտնաբերված երիկամային խնդիրների հետագա հսկում և վարում։ Մասնագետներին կարող եք դիմել, եթե առկա է՝Միզուղիների ինֆեկցիաներ, Միզարձակման խանգարումներ (գիշերամիզություն, ցերեկային անմիզապահություն),Երիկամների և միզային համակարգի բնածին արատներ; Միզաքարային հիվանդություն, Նեֆրոտիկ սինդրոմ, Գլոմերուլոնեֆրիտներ, Արյուն կամ սպիտակուց մեզում, Արյան բարձր ճնշում երեխաների մոտ, Երիկամների ֆունկցիայի խանգարումներ, Տուբուլոպաթիաներ: Ծառայությանը և բժիշկներին կարող եք ծանոթանալ կից հղումով՝ https://shorturl.at/Gtt8bԲժիշկների մոտ այց կարող եք ամրագրել Wigmore.am կայքի միջոցով կամ զանգահարել 012345678:

💗 Ուիգմորում գարուն է և մեկնարկում է #նվիրիրառողջություն արշավը՝ առաջարկելով կնոջ առողջության տարիքային հետազոտությունների նվեր փաթեթներ։ Փաթեթները ներառում են խորհրդատվությունների և հետազոտությունների համալիր՝ հարմարեցված յուրաքանչյուր տարիքի կնոջ համար (18+)։ 🖇️Դրանց կարող եք ծանոթանալ այստեղ։Նվեր քարտերը կարող եք ձեռք բերել «Ուիգմոր կանանց և երեխաների հիվանդանոց»-ի ընդունարաններում։ 🌷Լավագույն նվերը սերն ու հոգատարությունն են։  Նվիրի՛ր առողջություն մայրիկին, քրոջը, դստերը, ընկերուհուն… և քեզ։ ✨ Արի՛ Ուիգմոր, վերցրու՛ քեզ հետ մի փունջ առողջություն։

Մասնագիտական փորձի փոխանակում և քննարկումներ․ «Ուիգմոր կանանց և երեխաների հիվանդանոց»-ում տեղի ունեցավ մանկական օրթոպեդիայի միջազգային գիտաժողովը։Գիտաժողովին մասնակցում էին մանկական օրթոպեդիայի ոլորտի առաջատար մասնագետներ ԱՄՆ-ից․ նրանք հայ գործընկերների հետ քննարկեցին վերջույթների դեֆորմացիաների բուժման ժամանակակից մեթոդները, թվային տեխնոլոգիաների կիրառումը և վիրաբուժական մոտեցումներն ու բարդ կլինիկական դեպքերի վարման փորձը մանկական օրթոպեդիայում։ Մանրամասները՝ Հանրային հեռուստաընկերության անդրադարձում։

Այս պատմության ետևում Ուիգմորի թիմի կողմից կատարված երկարատև և բարդագույն վիրահատական միջամտություն է, որը կրկին ապացուցում է՝ որքան լայն է դիմածնոտային վիրաբույժների աշխատանքի տեղագրական անատոմիան։Դիմածնոտային վիրաբույժների աշխատանքը սահմանափակված չէ միայն արտաքին տեսքով․ այն ներառում է բարդ վերականգնողական միջամտություններ՝ շտկելու բնածին արատները, ինչպես նաև տրավմաների կամ այլ հիվանդությունների հետևանքով առաջացած խնդիրները։ Ներկայացված դեպքում բուժառուի քթի վերականգնումն իրականացվել է իր իսկ սեփական կողոսկրից, ինչը պահանջում է բարձր մասնագիտական հմտություն, փորձ, ճշգրտություն և թիմային աշխատանք։ Դիմածնոտային վիրաբուժության ծառայությանը կարող եք ծանոթանալ հղմամբ՝ https://wigmore.am/hy/wigmore-kanants-ev-erekhaneri-hivandanots/tsarayutyunner/dimatsnotayin-virabuzhutyun

«Ուիգմոր կանանց և երեխաների հիվանդանոց»-ը ս․թ․ մարտի 5-6-ը կհյուրընկալի մանկական օրթոպեդիայի ոլորտի առաջատար միջազգային մասնագետների Իսրայելից և ԱՄՆ-ից։ Մասնագիտական այցի շրջանակում մարտի 6-ին հիվանդանոցում տեղի կունենա «Մանկական օրթոպեդիան գործնականում․ վերջույթների և կոնք-ազդրային հոդի խնդիրների բուժման միջազգային փորձը» խորագրով կրեդիտավորված գիտաժողովը՝ 6 ՇՄԶ կրեդիտ։Գիտաժողովին կմասնակցեն մանկական օրթոպեդներ Մարկ Էյդելմանը (Իսրայել), Սքոթթ Նելսոնը (ԱՄՆ) և Վաչե Համբարձումյանը (ԱՄՆ)․ խոսնակներն իրենց ելույթներում կներկայացնեն մանկական օրթոպեդիայի միջազգային ժամանակակից փորձը և կլինիկական մոտեցումները։ «Գործընկերների այցը և այս գիտաժողովը մեզ համար կարևոր հարթակ է տեղական փորձը միջազգային առաջատար մոտեցումների հետ համադրելու համար։ «Ուիգմոր»-ի կայուն առաջնահերթություններից է Հայաստանում օրթոպեդիայի ոլորտի շարունակական զարգացումը, ժամանակակից տեխնոլոգիաների ներդրումը և ոլորտում մասնագիտական բաց երկխոսության ձևավորումը», — նշում է մանկական օրթոպեդ-վնասվածքաբան, «Ուիգմոր կանանց և երեխաների հիվանդանոց»-ի մանկական օրթոպեդիայի և վնասվածքաբանության ծառայության պատասխանատու Վահե Յավրյանը։Հիվանդանոցից հայտնում են, որ գիտաժողովի ընթացքում կքննարկվեն մանկական օրթոպեդիայի մի շարք արդիական թեմաներ, այդ թվում՝երեխաների վերջույթների դեֆորմացիաների շտկման համար թվային հավելվածների կիրառումը, ազդրոսկրի վզիկի երկարացման և Մորշերի ոսկրահատման մեթոդները, վերջույթի երկարության տարբերության և վերջույթների դեֆորմացիաների վերլուծությունները, շյուղերի և ձողերի անցկացման տեխնիկաները, «57-ի կանոնը» մանկական օրթոպեդիայում։ «Միջազգային մասնագետների մասնակցությամբ նման գիտաժողովները նպաստում են Հայաստանում մանկական օրթոպեդիայի զարգացմանը, մասնագիտական համայնքի ամրապնդմանը և ժամանակակից մասնագիտական գիտելիքի տարածմանը», - նշում է Հայաստանի մանկական օրթոպեդների ասոցիացիայի նախագահ, մանկական օրթոպեդ-վնասվածքաբան Կարեն Քոլոյանը։ Նրա խոսքով՝ հենց միջազգային համագործակցությունների շնորհիվ է ձևավորվում առաջատար մասնագետների հետ միասին բարդ կլինիկական դեպքերը քննարկելու և երեխաների համար լավագույն լուծումներ գտնելու հնարավորությունը։ Իր հերթին Վ․Յավրյանն էլ ընդգծում է, որ մանկական օրթոպեդիան մշտապես զարգացող յուրահատուկ ոլորտ է, և տարբեր երկրների մասնագետների միջև փորձի փոխանակումը կարևոր դեր ունի Հայաստանում բուժման արդյունավետ մեթոդների ներդրման գործում։ «Այսօր մեր առաջնահերթություններից է «Ուիգմոր»-ի մանկական օրթոպեդիայի թիմի շարունակական մասնագիտացումը և ընդլայնումը՝ միավորելով փորձառու մասնագետներին, աշխարհի նոր տեխնոլոգիական միտումներն ու միջազգային համագործակցությունների հնարավորությունները», - նշում է բժիշկ Յավրյանը։ «Մանկական օրթոպեդիան գործնականում» գիտաժողովը նախատեսված է մանկական օրթոպեդ-վնասվածքաբանների համար։ Մասնակցությունն անվճար է, գիտաժողովի մասնակիներին տրվում է 6 ՇՄԶ կրեդիտ։ Գիտաժողովը կանցկացվի «Ուիգմոր կանանց և երեխաների հիվանդանոց»-ում (ք. Երևան, Ներսիսյան 10/7)։Գիտաժողովի աշխատանքային լեզուն՝ անգլերեն։ Գիտաժողովին գրանցվելու համար անհրաժեշտ է անցնել հետևյալ հղումով՝ https://forms.gle/pARNd8fEziaKPQtX9